منعوني من السفر بسبب ( برمودا )

بداية الحكاية العجيبة التي كأنها من روايات ألف وليلة أو ليلة
أو من تأليف الزعفراني أو كوابيس بعد وجبة غداء
لكن للأسف أنها حقيقة وكانت معاي شخصيا
.
.
انا كنت مسافر دبي في الفترة 10-17 إبريل .. وانا من سكان الرياض
لكن ما قدرت احجز حجز العودة ع الرياض مباشرة .. اضطريت احجز ع الدمام الرياض
وصلت الدمام قبل رحلتي بساعتين او أكثر شوي .. دخلت العفش لرحلة الدمام
وقصيت البوردنج .. والأمور طبيعية وسليمة

انتظرت موعد الرحلة كان رقمها 1173 الساعة 10 و 15 دقيقة مساء
وعند بوابة خرطوم الطيارة بدخل الطيارة
قابلني ( Super Visor ) الخطوط السعودية وكان أسمه ( س . ر )
وقال لي عفوا اخوي ما تقدر تدخل الطيارة !! .. قلت وش الموضوع
قالت أنت لابس سروال قصير فيه تعري !!
قلت يا عزيزي مو قصير هو تحت الركبة
انا بديت ألتفت يمين و يسار أدور الكاميرا لأني كنت متأكد انه مقلب
لكن للأسف حقيقة مره
قلت له : انا صليت فيه قبل شوي كيف ما اقدر أركب الطيارة فيها ؟!
قال هذا نظام من الداخلية يمنع لبس الملابس القصيرة !!

وبعد شد وجذب ونقاش كانت نتيجته عدم التوصل لحل منطقي !!
قال لمسئولين العفش ينزلون العفش الخاص فيني من الطيارة
وبعد كلامي مع الموظف حسيت ان راسي يغلي وما قدرت أفكر
لكن رحت لمشرف الخدمات الأرضية وأعطاني حلف بالله أكثر من مره ان هذا النظام
قلت له ممكن أشوف اللائحة .. قال حنا نشوفها وانتم ما تشوفونها ؟؟
!! لائحة غريبة من نوعها !!
قلت التدخين ممنوع وفي كل مكان لوحة ممنوع التدخين
وللأسف موظفين الخطوط أكثر المدخنين في المطار !!
للأسف ما توصلنا لحل

بعد وصول العفش لبست البنطلون ( العادي ) وانتظرنا موعد الرحلة الجاية
رقم 1175 الساعة 11 ونصف مساءا وانتظرتها .. وركبت عليها
ورجعت الرياض وفي ذهني تساؤلات عديدة ؟
@ هل هذا الموضوع قد يحدث مع غير الخطوط السعودية ؟؟
حتى ولو كانت خطوط الهندوراس او كولومبيا !!
@ هل أصبحت الخطوط السعودية تمشي مع النظام والإلتزام به ولم يتبقى سوى البرمودا !!
@ متى يصبح للمواطن قيمة عند الخطوط والمطارات المحلية ؟!
@ لو أني أجنبي هل سيكون نفس التصرف ؟

وقفة أخيرة
احد الأصدقاء قال لي : ان في مطار الدمام أتى إلى بوابة خرطوم الطائرة
في رحلة متجهة إلى الرياض قبل الإقلاع بربع ساعة ولكن وجد الباب مقفل بحجة
أن ملاحين الطائرة ودهم يلحقون ع صلاة الجمعة ( الرحلة كانت صباح الجمعة )
أي أن الرحلات أصبحت تقلع بالبركة و ع مزاج الملاحين ومدى تناسب الأوقات معهم !!

والله ثم والله أن القصة حقيقية
والله ع ما أقول شهيد

[img]











أبدع في مواضيعك .. واحسن في ردودك .. وقدم كل مالديك ! .. لايغرك
فهمك ولا يهينك جلك بل أشكر الله على هذه النعمة .. ولله الحمد والشكر..